דברי א23

א כגא וְדָוִיד זָקֵן וְשָׂבַע יָמִים וַיַּמְלֵךְ אֶת-שְׁלֹמֹה בְנוֹ עַל-יִשְׂרָאֵל. א כגב וַיֶּאֱסֹף אֶת-כָּל-שָׂרֵי יִשְׂרָאֵל וְהַכֹּהֲנִים וְהַלְוִיִּם. א כגג וַיִּסָּפְרוּ הַלְוִיִּם מִבֶּן שְׁלֹשִׁים שָׁנָה וָמָעְלָה וַיְהִי מִסְפָּרָם לְגֻלְגְּלֹתָם לִגְבָרִים שְׁלֹשִׁים וּשְׁמוֹנָה אָלֶף. א כגד מֵאֵלֶּה לְנַצֵּחַ עַל-מְלֶאכֶת בֵּית-יְהוָה עֶשְׂרִים וְאַרְבָּעָה אָלֶף וְשֹׁטְרִים וְשֹׁפְטִים שֵׁשֶׁת אֲלָפִים. א כגה וְאַרְבַּעַת אֲלָפִים שֹׁעֲרִים וְאַרְבַּעַת אֲלָפִים מְהַלְלִים לַיהוָה בַּכֵּלִים אֲשֶׁר עָשִׂיתִי לְהַלֵּל. א כגו וַיֶּחָלְקֵם דָּוִיד מַחְלְקוֹת לִבְנֵי לֵוִי לְגֵרְשׁוֹן קְהָת וּמְרָרִי. א כגז לַגֵּרְשֻׁנִּי לַעְדָּן וְשִׁמְעִי. א כגח בְּנֵי לַעְדָּן הָרֹאשׁ יְחִיאֵל וְזֵתָם וְיוֹאֵלשְׁלֹשָׁה. א כגט בְּנֵי שִׁמְעִי שלמות (שְׁלֹמִית) וַחֲזִיאֵל וְהָרָןשְׁלֹשָׁה אֵלֶּה רָאשֵׁי הָאָבוֹת לְלַעְדָּן. א כגי וּבְנֵי שִׁמְעִייַחַת זִינָא וִיעוּשׁ וּבְרִיעָה אֵלֶּה בְנֵי-שִׁמְעִי אַרְבָּעָה. א כגיא וַיְהִי-יַחַת הָרֹאשׁ וְזִיזָה הַשֵּׁנִי וִיעוּשׁ וּבְרִיעָה לֹא-הִרְבּוּ בָנִים וַיִּהְיוּ לְבֵית אָב לִפְקֻדָּה אֶחָת. א כגיב בְּנֵי קְהָת עַמְרָם יִצְהָר חֶבְרוֹן וְעֻזִּיאֵלאַרְבָּעָה. א כגיג בְּנֵי עַמְרָם אַהֲרֹן וּמֹשֶׁה וַיִּבָּדֵל אַהֲרֹן לְהַקְדִּישׁוֹ קֹדֶשׁ קָדָשִׁים הוּא-וּבָנָיו עַד-עוֹלָםלְהַקְטִיר לִפְנֵי יְהוָה לְשָׁרְתוֹ וּלְבָרֵךְ בִּשְׁמוֹ עַד-עוֹלָם. א כגיד וּמֹשֶׁה אִישׁ הָאֱלֹהִיםבָּנָיו יִקָּרְאוּ עַל-שֵׁבֶט הַלֵּוִי. א כגטו בְּנֵי מֹשֶׁה גֵּרְשׁוֹם וֶאֱלִיעֶזֶר. א כגטז בְּנֵי גֵרְשׁוֹם שְׁבוּאֵל הָרֹאשׁ. א כגיז וַיִּהְיוּ בְנֵי-אֱלִיעֶזֶר רְחַבְיָה הָרֹאשׁ וְלֹא-הָיָה לֶאֱלִיעֶזֶר בָּנִים אֲחֵרִים וּבְנֵי רְחַבְיָה רָבוּ לְמָעְלָה. א כגיח בְּנֵי יִצְהָר שְׁלֹמִית הָרֹאשׁ. א כגיט בְּנֵי חֶבְרוֹןיְרִיָּהוּ הָרֹאשׁ אֲמַרְיָה הַשֵּׁנִי יַחֲזִיאֵל הַשְּׁלִישִׁי וִיקַמְעָם הָרְבִיעִי. א כגכ בְּנֵי עֻזִּיאֵלמִיכָה הָרֹאשׁ וְיִשִּׁיָּה הַשֵּׁנִי. א כגכא בְּנֵי מְרָרִי מַחְלִי וּמוּשִׁי בְּנֵי מַחְלִי אֶלְעָזָר וְקִישׁ. א כגכב וַיָּמָת אֶלְעָזָר וְלֹא-הָיוּ לוֹ בָּנִים כִּי אִם-בָּנוֹת וַיִּשָּׂאוּם בְּנֵי-קִישׁ אֲחֵיהֶם. א כגכג בְּנֵי מוּשִׁי מַחְלִי וְעֵדֶר וִירֵמוֹתשְׁלוֹשָׁה. א כגכד אֵלֶּה בְנֵי-לֵוִי לְבֵית אֲבוֹתֵיהֶם רָאשֵׁי הָאָבוֹת לִפְקוּדֵיהֶם בְּמִסְפַּר שֵׁמוֹת לְגֻלְגְּלֹתָם עֹשֵׂה הַמְּלָאכָה לַעֲבֹדַת בֵּית יְהוָהמִבֶּן עֶשְׂרִים שָׁנָה וָמָעְלָה. א כגכה כִּי אָמַר דָּוִיד הֵנִיחַ יְהוָה אֱלֹהֵי-יִשְׂרָאֵל לְעַמּוֹ וַיִּשְׁכֹּן בִּירוּשָׁלִַם עַד-לְעוֹלָם. א כגכו וְגַם לַלְוִיִּםאֵין-לָשֵׂאת אֶת-הַמִּשְׁכָּן וְאֶת-כָּל-כֵּלָיו לַעֲבֹדָתוֹ. א כגכז כִּי בְדִבְרֵי דָוִיד הָאַחֲרוֹנִים הֵמָּה מִסְפַּר בְּנֵי-לֵוִי מִבֶּן עֶשְׂרִים שָׁנָה וּלְמָעְלָה. א כגכח כִּי מַעֲמָדָם לְיַד-בְּנֵי אַהֲרֹן לַעֲבֹדַת בֵּית יְהוָה עַל-הַחֲצֵרוֹת וְעַל-הַלְּשָׁכוֹת וְעַל-טָהֳרַת לְכָל-קֹדֶשׁוּמַעֲשֵׂה עֲבֹדַת בֵּית הָאֱלֹהִים. א כגכט וּלְלֶחֶם הַמַּעֲרֶכֶת וּלְסֹלֶת לְמִנְחָה וְלִרְקִיקֵי הַמַּצּוֹת וְלַמַּחֲבַת וְלַמֻּרְבָּכֶת וּלְכָל-מְשׂוּרָה וּמִדָּה. א כגל וְלַעֲמֹד בַּבֹּקֶר בַּבֹּקֶר לְהֹדוֹת וּלְהַלֵּל לַיהוָה וְכֵן לָעָרֶב. א כגלא וּלְכֹל הַעֲלוֹת עֹלוֹת לַיהוָה לַשַּׁבָּתוֹת לֶחֳדָשִׁים וְלַמֹּעֲדִיםבְּמִסְפָּר כְּמִשְׁפָּט עֲלֵיהֶם תָּמִיד לִפְנֵי יְהוָה. א כגלב וְשָׁמְרוּ אֶת-מִשְׁמֶרֶת אֹהֶל-מוֹעֵד וְאֵת מִשְׁמֶרֶת הַקֹּדֶשׁ וּמִשְׁמֶרֶת בְּנֵי אַהֲרֹן אֲחֵיהֶםלַעֲבֹדַת בֵּית יְהוָה.