מלכא4

א דא וַיְהִי הַמֶּלֶךְ שְׁלֹמֹה מֶלֶךְ עַל-כָּל-יִשְׂרָאֵל. א דב וְאֵלֶּה הַשָּׂרִים אֲשֶׁר-לוֹ: עֲזַרְיָהוּ בֶן-צָדוֹק הַכֹּהֵן. א דג אֱלִיחֹרֶף וַאֲחִיָּה בְּנֵי שִׁישָׁא סֹפְרִים יְהוֹשָׁפָט בֶּן-אֲחִילוּד הַמַּזְכִּיר. א דד וּבְנָיָהוּ בֶן-יְהוֹיָדָע עַל-הַצָּבָא וְצָדוֹק וְאֶבְיָתָר כֹּהֲנִים. א דה וַעֲזַרְיָהוּ בֶן-נָתָן עַל-הַנִּצָּבִים וְזָבוּד בֶּן-נָתָן כֹּהֵן רֵעֶה הַמֶּלֶךְ. א דו וַאֲחִישָׁר עַל-הַבָּיִת וַאֲדֹנִירָם בֶּן-עַבְדָּא עַל-הַמַּס. א דז וְלִשְׁלֹמֹה שְׁנֵים-עָשָׂר נִצָּבִים עַל-כָּל-יִשְׂרָאֵל וְכִלְכְּלוּ אֶת-הַמֶּלֶךְ וְאֶת-בֵּיתוֹ: חֹדֶשׁ בַּשָּׁנָה יִהְיֶה עַל-אחד (הָאֶחָד) לְכַלְכֵּל. א דח וְאֵלֶּה שְׁמוֹתָם בֶּן-חוּר בְּהַר אֶפְרָיִם. א דט בֶּן-דֶּקֶר בְּמָקַץ וּבְשַׁעַלְבִים וּבֵית שָׁמֶשׁ וְאֵילוֹן בֵּית חָנָן. א די בֶּן-חֶסֶד בָּאֲרֻבּוֹת לוֹ שֹׂכֹה וְכָל-אֶרֶץ חֵפֶר. א דיא בֶּן-אֲבִינָדָב כָּל-נָפַת דֹּאר טָפַת בַּת-שְׁלֹמֹה הָיְתָה לּוֹ לְאִשָּׁה. א דיב בַּעֲנָא בֶּן-אֲחִילוּד תַּעְנַךְ וּמְגִדּוֹ וְכָל-בֵּית שְׁאָן אֲשֶׁר אֵצֶל צָרְתַנָה מִתַּחַת לְיִזְרְעֶאל מִבֵּית שְׁאָן עַד אָבֵל מְחוֹלָה עַד מֵעֵבֶר לְיָקְמְעָם. א דיג בֶּן-גֶּבֶר בְּרָמֹת גִּלְעָד לוֹ חַוֹּת יָאִיר בֶּן-מְנַשֶּׁה אֲשֶׁר בַּגִּלְעָד לוֹ חֶבֶל אַרְגֹּב אֲשֶׁר בַּבָּשָׁןשִׁשִּׁים עָרִים גְּדֹלוֹת חוֹמָה וּבְרִיחַ נְחֹשֶׁת. א דיד אֲחִינָדָב בֶּן-עִדֹּא מַחֲנָיְמָה. א דטו אֲחִימַעַץ בְּנַפְתָּלִי גַּם-הוּא לָקַח אֶת-בָּשְׂמַת בַּת-שְׁלֹמֹהלְאִשָּׁה. א דטז בַּעֲנָא בֶּן-חוּשָׁי בְּאָשֵׁר וּבְעָלוֹת. א דיז יְהוֹשָׁפָט בֶּן-פָּרוּחַ בְּיִשָּׂשכָר. א דיח שִׁמְעִי בֶן-אֵלָא בְּבִנְיָמִן. א דיט גֶּבֶר בֶּן-אֻרִי בְּאֶרֶץ גִּלְעָדאֶרֶץ סִיחוֹן מֶלֶךְ הָאֱמֹרִי וְעֹג מֶלֶךְ הַבָּשָׁן וּנְצִיב אֶחָד אֲשֶׁר בָּאָרֶץ. א דכ יְהוּדָה וְיִשְׂרָאֵל רַבִּים כַּחוֹל אֲשֶׁר-עַל-הַיָּם לָרֹב אֹכְלִים וְשֹׁתִים וּשְׂמֵחִים.