יחז21

כאא וַיְהִי דְבַר-יְהוָה אֵלַי לֵאמֹר. כאב בֶּן-אָדָם שִׂים פָּנֶיךָ דֶּרֶךְ תֵּימָנָה וְהַטֵּף אֶל-דָּרוֹם וְהִנָּבֵא אֶל-יַעַר הַשָּׂדֶה נֶגֶב. כאג וְאָמַרְתָּ לְיַעַר הַנֶּגֶב שְׁמַע דְּבַר-יְהוָה: כֹּה-אָמַר אֲדֹנָי יְהוִה הִנְנִי מַצִּית-בְּךָ אֵשׁ וְאָכְלָה בְךָ כָל-עֵץ-לַח וְכָל-עֵץ יָבֵשׁ לֹא-תִכְבֶּה לַהֶבֶת שַׁלְהֶבֶת וְנִצְרְבוּ-בָהּ כָּל-פָּנִים מִנֶּגֶב צָפוֹנָה. כאד וְרָאוּ כָּל-בָּשָׂר כִּי אֲנִי יְהוָה בִּעַרְתִּיהָ: לֹא תִּכְבֶּה. כאה וָאֹמַר אֲהָהּ אֲדֹנָי יְהוִה הֵמָּה אֹמְרִים לִי הֲלֹא מְמַשֵּׁל מְשָׁלִים הוּא.

כאו וַיְהִי דְבַר-יְהוָה אֵלַי לֵאמֹר. כאז בֶּן-אָדָם שִׂים פָּנֶיךָ אֶל-יְרוּשָׁלִַם וְהַטֵּף אֶל-מִקְדָּשִׁים וְהִנָּבֵא אֶל-אַדְמַת יִשְׂרָאֵל. כאח וְאָמַרְתָּ לְאַדְמַת יִשְׂרָאֵל כֹּה אָמַר יְהוָה הִנְנִי אֵלַיִךְ וְהוֹצֵאתִי חַרְבִּי מִתַּעְרָהּ וְהִכְרַתִּי מִמֵּךְ צַדִּיק וְרָשָׁע. כאט יַעַן אֲשֶׁר-הִכְרַתִּי מִמֵּךְ צַדִּיק וְרָשָׁע לָכֵן תֵּצֵא חַרְבִּי מִתַּעְרָהּ אֶל-כָּל-בָּשָׂרמִנֶּגֶב צָפוֹן. כאי וְיָדְעוּ כָּל-בָּשָׂר כִּי אֲנִי יְהוָה הוֹצֵאתִי חַרְבִּי מִתַּעְרָהּ: לֹא תָשׁוּב עוֹד.

כאיא וְאַתָּה בֶן-אָדָם הֵאָנַח בְּשִׁבְרוֹן מָתְנַיִם וּבִמְרִירוּת תֵּאָנַח לְעֵינֵיהֶם. כאיב וְהָיָה כִּי-יֹאמְרוּ אֵלֶיךָ עַל-מָה אַתָּה נֶאֱנָח וְאָמַרְתָּ אֶל-שְׁמוּעָה כִי-בָאָה וְנָמֵס כָּל-לֵב וְרָפוּ כָל-יָדַיִם וְכִהֲתָה כָל-רוּחַ וְכָל-בִּרְכַּיִם תֵּלַכְנָה מַּיִםהִנֵּה בָאָה וְנִהְיָתָה נְאֻם אֲדֹנָי יְהוִה.

כאיג וַיְהִי דְבַר-יְהוָה אֵלַי לֵאמֹר. כאיד בֶּן-אָדָםהִנָּבֵא וְאָמַרְתָּ כֹּה אָמַר אֲדֹנָי: אֱמֹר חֶרֶב חֶרֶב הוּחַדָּה וְגַם-מְרוּטָה. כאטו לְמַעַן טְבֹחַ טֶבַח הוּחַדָּה לְמַעַן-הֱיֵה-לָהּ בָּרָק מֹרָטָּה אוֹ נָשִׂישׂ שֵׁבֶט בְּנִי מֹאֶסֶת כָּל-עֵץ. כאטז וַיִּתֵּן אֹתָהּ לְמָרְטָה לִתְפֹּשׂ בַּכָּף הִיא-הוּחַדָּה חֶרֶב וְהִיא מֹרָטָּה לָתֵת אוֹתָהּ בְּיַד-הוֹרֵג. כאיז זְעַק וְהֵילֵל בֶּן-אָדָםכִּי-הִיא הָיְתָה בְעַמִּי הִיא בְּכָל-נְשִׂיאֵי יִשְׂרָאֵל מְגוּרֵי אֶל-חֶרֶב הָיוּ אֶת-עַמִּי לָכֵן סְפֹק אֶל-יָרֵךְ. כאיח כִּי בֹחַןוּמָה אִם-גַּם-שֵׁבֶט מֹאֶסֶת לֹא יִהְיֶה: נְאֻם אֲדֹנָי יְהוִה.

כאיט וְאַתָּה בֶן-אָדָםהִנָּבֵא וְהַךְ כַּף אֶל-כָּף וְתִכָּפֵל חֶרֶב שְׁלִישִׁתָה חֶרֶב חֲלָלִיםהִיא חֶרֶב חָלָל הַגָּדוֹל הַחֹדֶרֶת לָהֶם. כאכ לְמַעַן לָמוּג לֵב וְהַרְבֵּה הַמִּכְשֹׁלִיםעַל כָּל-שַׁעֲרֵיהֶם נָתַתִּי אִבְחַת-חָרֶב אָח עֲשׂוּיָה לְבָרָק מְעֻטָּה לְטָבַח. כאכא הִתְאַחֲדִי הֵימִנִי הָשִׂימִי הַשְׂמִילִי אָנָה פָּנַיִךְ מֻעָדוֹת. כאכב וְגַם-אֲנִי אַכֶּה כַפִּי אֶל-כַּפִּי וַהֲנִיחֹתִי חֲמָתִי: אֲנִי יְהוָה דִּבַּרְתִּי.

כאכג וַיְהִי דְבַר-יְהוָה אֵלַי לֵאמֹר. כאכד וְאַתָּה בֶן-אָדָם שִׂים-לְךָ שְׁנַיִם דְּרָכִים לָבוֹא חֶרֶב מֶלֶךְ-בָּבֶלמֵאֶרֶץ אֶחָד יֵצְאוּ שְׁנֵיהֶם וְיָד בָּרֵא בְּרֹאשׁ דֶּרֶךְ-עִיר בָּרֵא. כאכה דֶּרֶךְ תָּשִׂיםלָבוֹא חֶרֶב אֵת רַבַּת בְּנֵי-עַמּוֹן וְאֶת-יְהוּדָה בִירוּשָׁלִַם בְּצוּרָה. כאכו כִּי-עָמַד מֶלֶךְ-בָּבֶל אֶל-אֵם הַדֶּרֶךְ בְּרֹאשׁ שְׁנֵי הַדְּרָכִיםלִקְסָם-קָסֶם: קִלְקַל בַּחִצִּים שָׁאַל בַּתְּרָפִים רָאָה בַּכָּבֵד. כאכז בִּימִינוֹ הָיָה הַקֶּסֶם יְרוּשָׁלִַם לָשׂוּם כָּרִים לִפְתֹּחַ פֶּה בְּרֶצַח לְהָרִים קוֹל בִּתְרוּעָהלָשׂוּם כָּרִים עַל-שְׁעָרִים לִשְׁפֹּךְ סֹלְלָה לִבְנוֹת דָּיֵק. כאכח וְהָיָה לָהֶם כקסום- (כִּקְסָם-) שָׁוְא בְּעֵינֵיהֶם שְׁבֻעֵי שְׁבֻעוֹת לָהֶם וְהוּא-מַזְכִּיר עָוֹן לְהִתָּפֵשׂ.

כאכט לָכֵן כֹּה-אָמַר אֲדֹנָי יְהוִה יַעַן הַזְכַּרְכֶם עֲוֹנְכֶם בְּהִגָּלוֹת פִּשְׁעֵיכֶם לְהֵרָאוֹת חַטֹּאותֵיכֶם בְּכֹל עֲלִילוֹתֵיכֶםיַעַן הִזָּכֶרְכֶם בַּכַּף תִּתָּפֵשׂוּ.

כאל וְאַתָּה חָלָל רָשָׁע נְשִׂיא יִשְׂרָאֵל אֲשֶׁר-בָּא יוֹמוֹ בְּעֵת עֲוֹן קֵץ.

כאלא כֹּה אָמַר אֲדֹנָי יְהוִה הָסִיר הַמִּצְנֶפֶת וְהָרִים הָעֲטָרָה זֹאת לֹא-זֹאתהַשָּׁפָלָה הַגְבֵּהַּ וְהַגָּבֹהַּ הַשְׁפִּיל. כאלב עַוָּה עַוָּה עַוָּה אֲשִׂימֶנָּה גַּם-זֹאת לֹא הָיָה עַד-בֹּא אֲשֶׁר-לוֹ הַמִּשְׁפָּט וּנְתַתִּיו.

כאלג וְאַתָּה בֶן-אָדָם הִנָּבֵא וְאָמַרְתָּ כֹּה אָמַר אֲדֹנָי יְהוִה אֶל-בְּנֵי עַמּוֹן וְאֶל-חֶרְפָּתָם וְאָמַרְתָּ חֶרֶב חֶרֶב פְּתוּחָה לְטֶבַח מְרוּטָה לְהָכִיל לְמַעַן בָּרָק. כאלד בַּחֲזוֹת לָךְ שָׁוְא בִּקְסָם-לָךְ כָּזָבלָתֵת אוֹתָךְ אֶל-צַוְּארֵי חַלְלֵי רְשָׁעִים אֲשֶׁר-בָּא יוֹמָם בְּעֵת עֲוֹן קֵץ. כאלה הָשַׁב אֶל-תַּעְרָהּ בִּמְקוֹם אֲשֶׁר-נִבְרֵאת בְּאֶרֶץ מְכֻרוֹתַיִךְ אֶשְׁפֹּט אֹתָךְ. כאלו וְשָׁפַכְתִּי עָלַיִךְ זַעְמִי בְּאֵשׁ עֶבְרָתִי אָפִיחַ עָלָיִךְ וּנְתַתִּיךְ בְּיַד אֲנָשִׁים בֹּעֲרִים חָרָשֵׁי מַשְׁחִית. כאלז לָאֵשׁ תִּהְיֶה לְאָכְלָה דָּמֵךְ יִהְיֶה בְּתוֹךְ הָאָרֶץ לֹא תִזָּכֵרִי כִּי אֲנִי יְהוָה דִּבַּרְתִּי.