Psalm 28 Aleppo Codex 1א לדוד אליך יהוה אקרא-- צורי אל-תחרש ממני פן-תחשה ממני ונמשלתי עם-יורדי בור 2ב שמע קול תחנוני בשועי אליך בנשאי ידי אל-דביר קדשך 3ג אל-תמשכני עם-רשעים ועם-פעלי-און דברי שלום עם-רעיהם ורעה בלבבם 4ד תן-להם כפעלם וכרע מעלליהם כמעשה ידיהם תן להם השב גמולם להם 5ה כי לא יבינו אל-פעלת יהוה-- ואל-מעשה ידיו יהרסם ולא יבנם 6ו ברוך יהוה כי-שמע קול תחנוני 7ז יהוה עזי ומגני-- בו בטח לבי ונעזרתי ויעלז לבי ומשירי אהודנו 8ח יהוה עז-למו ומעוז ישועות משיחו הוא 9ט הושיעה את-עמך-- וברך את-נחלתך ורעם ונשאם עד-העולם The Aleppo Codex without Vowel Points or Punctuation Based on the electronic edition at mechon-mamre.org. For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. |
    |