יחז31

לאא וַיְהִי בְּאַחַת עֶשְׂרֵה שָׁנָה בַּשְּׁלִישִׁי בְּאֶחָד לַחֹדֶשׁ הָיָה דְבַר-יְהוָה אֵלַי לֵאמֹר. לאב בֶּן-אָדָם אֱמֹר אֶל-פַּרְעֹה מֶלֶךְ-מִצְרַיִם וְאֶל-הֲמוֹנוֹ: אֶל-מִי דָּמִיתָ בְגָדְלֶךָ. לאג הִנֵּה אַשּׁוּר אֶרֶז בַּלְּבָנוֹן יְפֵה עָנָף וְחֹרֶשׁ מֵצַלוּגְבַהּ קוֹמָה וּבֵין עֲבֹתִים הָיְתָה צַמַּרְתּוֹ. לאד מַיִם גִּדְּלוּהוּ תְּהוֹם רֹמְמָתְהוּ אֶת-נַהֲרֹתֶיהָ הֹלֵךְ סְבִיבוֹת מַטָּעָהּ וְאֶת-תְּעָלֹתֶיהָ שִׁלְחָה אֶל כָּל-עֲצֵי הַשָּׂדֶה. לאה עַל-כֵּן גָּבְהָא קֹמָתוֹ מִכֹּל עֲצֵי הַשָּׂדֶה וַתִּרְבֶּינָה סַרְעַפֹּתָיו וַתֶּאֱרַכְנָה פֹארֹתָו מִמַּיִם רַבִּיםבְּשַׁלְּחוֹ. לאו בִּסְעַפֹּתָיו קִנְנוּ כָּל-עוֹף הַשָּׁמַיִם וְתַחַת פֹּארֹתָיו יָלְדוּ כֹּל חַיַּת הַשָּׂדֶה וּבְצִלּוֹ יֵשְׁבוּ כֹּל גּוֹיִם רַבִּים. לאז וַיְּיִף בְּגָדְלוֹ בְּאֹרֶךְ דָּלִיּוֹתָיו: כִּי-הָיָה שָׁרְשׁוֹ אֶל-מַיִם רַבִּים. לאח אֲרָזִים לֹא-עֲמָמֻהוּ בְּגַן-אֱלֹהִיםבְּרוֹשִׁים לֹא דָמוּ אֶל-סְעַפֹּתָיו וְעַרְמֹנִים לֹא-הָיוּ כְּפֹרֹאתָיו: כָּל-עֵץ בְּגַן-אֱלֹהִיםלֹא-דָמָה אֵלָיו בְּיָפְיוֹ. לאט יָפֶה עֲשִׂיתִיו בְּרֹב דָּלִיּוֹתָיו וַיְקַנְאֻהוּ כָּל-עֲצֵי-עֵדֶן אֲשֶׁר בְּגַן הָאֱלֹהִים.

לאי לָכֵן כֹּה אָמַר אֲדֹנָי יְהוִה יַעַן אֲשֶׁר גָּבַהְתָּ בְּקוֹמָה וַיִּתֵּן צַמַּרְתּוֹ אֶל-בֵּין עֲבוֹתִים וְרָם לְבָבוֹ בְּגָבְהוֹ. לאיא וְאֶתְּנֵהוּבְּיַד אֵיל גּוֹיִם עָשׂוֹ יַעֲשֶׂה לוֹ כְּרִשְׁעוֹ גֵּרַשְׁתִּהוּ. לאיב וַיִּכְרְתֻהוּ זָרִים עָרִיצֵי גוֹיִם וַיִּטְּשֻׁהוּ אֶל-הֶהָרִים וּבְכָל-גֵּאָיוֹת נָפְלוּ דָלִיּוֹתָיו וַתִּשָּׁבַרְנָה פֹרֹאתָיו בְּכֹל אֲפִיקֵי הָאָרֶץ וַיֵּרְדוּ מִצִּלּוֹ כָּל-עַמֵּי הָאָרֶץ וַיִּטְּשֻׁהוּ. לאיג עַל-מַפַּלְתּוֹ יִשְׁכְּנוּ כָּל-עוֹף הַשָּׁמָיִם וְאֶל-פֹּרֹאתָיו הָיוּ כֹּל חַיַּת הַשָּׂדֶה. לאיד לְמַעַן אֲשֶׁר לֹא-יִגְבְּהוּ בְקוֹמָתָם כָּל-עֲצֵי-מַיִם וְלֹא-יִתְּנוּ אֶת-צַמַּרְתָּם אֶל-בֵּין עֲבֹתִים וְלֹא-יַעַמְדוּ אֵלֵיהֶם בְּגָבְהָם כָּל-שֹׁתֵי מָיִם: כִּי-כֻלָּם נִתְּנוּ לַמָּוֶת אֶל-אֶרֶץ תַּחְתִּית בְּתוֹךְ בְּנֵי אָדָםאֶל-יוֹרְדֵי בוֹר.

לאטו כֹּה-אָמַר אֲדֹנָי יְהוִה בְּיוֹם רִדְתּוֹ שְׁאוֹלָה הֶאֱבַלְתִּי כִּסֵּתִי עָלָיו אֶת-תְּהוֹם וָאֶמְנַע נַהֲרוֹתֶיהָ וַיִּכָּלְאוּ מַיִם רַבִּים וָאַקְדִּר עָלָיו לְבָנוֹן וְכָל-עֲצֵי הַשָּׂדֶה עָלָיו עֻלְפֶּה. לאטז מִקּוֹל מַפַּלְתּוֹ הִרְעַשְׁתִּי גוֹיִם בְּהוֹרִדִי אֹתוֹ שְׁאוֹלָה אֶת-יוֹרְדֵי בוֹר וַיִּנָּחֲמוּ בְּאֶרֶץ תַּחְתִּית כָּל-עֲצֵי-עֵדֶןמִבְחַר וְטוֹב-לְבָנוֹן כָּל-שֹׁתֵי מָיִם. לאיז גַּם-הֵם אִתּוֹ יָרְדוּ שְׁאוֹלָהאֶל-חַלְלֵי-חָרֶב וּזְרֹעוֹ יָשְׁבוּ בְצִלּוֹ בְּתוֹךְ גּוֹיִם. לאיח אֶל-מִי דָמִיתָ כָּכָה בְּכָבוֹד וּבְגֹדֶל בַּעֲצֵי-עֵדֶן וְהוּרַדְתָּ אֶת-עֲצֵי-עֵדֶן אֶל-אֶרֶץ תַּחְתִּית בְּתוֹךְ עֲרֵלִים תִּשְׁכַּב אֶת-חַלְלֵי-חֶרֶבהוּא פַרְעֹה וְכָל-הֲמוֹנֹה נְאֻם אֲדֹנָי יְהוִה.