מתתיהו

מתתיהו1

א סֵפֶר תוֹלְדֹת יְהוֹשֻעַ/יֵשוּעַ הַמָשִיחַ בֶן דָוִד בֶן אַבְרָהָם: 2 אַבְרָהָם הוֹלִיד אֶת־יִצְחָק וְיִצְחָק הוֹלִיד אֶת־יַעֲקֹב וְיַעֲקֹב הוֹלִיד אֶת־יְהודָה וְאֶת־אֶחָיו: 3 וִיהודָה הוֹלִיד אֶת־פֶרֶץ וְאֶת־זֶרַח מִתָמָר ופֶרֶץ הוֹלִיד אֶת־חֶצְרוֹן וְחֶצְרוֹן הוֹלִיד אֶת־רָם: 4 וְרָם הוֹלִיד אֶת־עַמִינָדָב וְעַמִינָדָב הוֹלִיד אֶת־נַחְשוֹן וְנַחְשוֹן הוֹלִיד אֶת־שַלְמוֹן: 5 וְשַלְמוֹן הוֹלִיד אֶת־בֹּעַז מֵרָחָב וְבֹּעַז הוֹלִיד אֶת־עוֹבֵד מֵרוּת וְעוֹבֵד הוֹלִיד אֶת־יִשָי: 6 וְיִשַי הוֹלִיד אֶת־דָוִד הַמֶלֶךְ וְדָוִד הַמֶלֶךְ הוֹלִיד אֶת־שְלֹמֹה מֵאֵשֶת אורִיָה: 7 ושְלֹמֹה הוֹלִיד אֶת־רְחַבְעָם ורְחַבְעָם הוֹלִיד אֶת־אֲבִיָה וַאֲבִיָה הוֹלִיד אֶת־אָסָא: 8 אָסָא הוֹלִיד אֶת־יְהוֹשָפָט וִיהוֹשָפָט הוֹלִיד אֶת־יוֹרָם וְיוֹרָם הוֹלִיד אֶת עֻזִיָהו: 9 וְעֻזִיָהו הוֹלִיד אֶת־יוֹתָם וְיוֹתָם הוֹלִיד אֶת־אָחָז וְאָחָז הוֹלִיד אֶת־יְחִזְקִיָהו: 10 וִיחִזְקִיָהו הוֹלִיד אֶת־מְנַשֶה ומְנַשֶה הוֹלִיד אֶת־אָמוֹן וְאָמוֹן הוֹלִיד אֶת־יֹאשִיָהו: 11 וְיֹאשִיָהו הוֹלִיד אֶת־יְכָנְיָהו וְאֶת־אֶחָיו לְעֵת גָלות בָּבֶל: 12 וְאַחֲרֵי גְלוֹתָם בָבֶלָה הוֹלִיד יְכָנְיָהו אֵת שְאַלְתִיאֵל ושְאַלְתִיאֵל הוֹלִיד אֶת־זְרֻבָבֶל: 13 וזְרֻבָבֶל הוֹלִיד אֶת־אֲבִיהוד וַאֲבִיהוד הוֹלִיד אֶת־אֶלְיָקִים וְאֶלְיָקִים הוֹלִיד אֶת עַזור: 14 וְעַזור הוֹלִיד אֶת־צָדוֹק וְצָדוֹק הוֹלִיד אֶת־יָכִין וְיָכִין הוֹלִיד אֶת־אֱלִיהוד: 15 וֶאֱלִיהוד הוֹלִיד אֶת־אֶלְעָזָר וְאֶלְעָזָר הוֹלִיד אֶת־מַתָן ומַתָן הוֹלִיד אֶת־יַעֲקֹב: 16 וְיַעֲקֹב הוֹלִיד אֶת־יוֹסֵף [בן דוד] בַעַל מִרְיָם אֲשֶר מִמֶנָּה נוֹלַד יְהוֹשֻעַ/יֵשוּעַ הַנִקְרָא מָשִיחַ: 17 וְהִנֵה כָּל־הַדֹרוֹת מִן אַבְרָהָם עַד־דָוִד אַרְבָעָה עָשָר דֹרוֹת וּמִן דָוִד עַד־גָלות בָבֶל אַרְבָעָה עָשָר דֹרוֹת וּמֵעֵת גָלוּת בָּבֶל עַד־הַמָשִיחַ אַרְבָעָה עָשָר דֹרוֹת: 18 וְהֻלֶּדֶת יְהוֹשֻעַ/יֵשוּעַ הַמָשִיחַ כֹּה הָיָתָה מִרְיָם אִמּוֹ אֹרְשָׂה לְיוֹסֵף [בן דוד] וּבְטֶרֶם יָבֹא אֵלֶיהָ נִמְצֵאת הָרָה מֵרוחַ הַקֹדֶש: 19 וְיוֹסֵף [בן דוד] בַעְלָהּ הָיָה אִיש צַדִיק וְלֹא אָבָה לְתִתָהּ לָבוּז וַיֹאמֶר בְּלִבּוֹ לְשַלְּחָהּ בַסָּתֶר: 20 הוּא חשֵב כָּזֹאת וְהִנֵה מַלְאַךְ ה' נִרְאָה אֵלָיו בַחֲלוֹם וַיֹאמַר יוֹסֵף בֶן דָוִד אַל־תִּירָא מִכְּנוֹס אֵלֶיךָ אֵת מִרְיָם אִשְתֶּךָ כִּי אֲשֶר הֹרָה בָהּ מֵרוּחַ הַקֹדֶש הוּא: 21 וְהִיא יֹלֶדֶת בֵּן וְקָרָאתָ אֶת־שְמוֹ [ראה שְמוֹ, זכריה 12-6:11] יְהוֹשֻעַ/יֵשוּעַ כִּי הוּא יוֹשִיעַ אֶת־עַמּוֹ מֵעֲוֹנוֹתֵיהֶם: 22 וַתְּהִי כָל־זֹאת לְמַלֹּאת אֶת אֲשֶר־דְּבַר ה' בְּיַד הַנָּבִיא לֵאמֹר: 23 הִנֵה הָעַלְמָה הָרָה וְיֹלֶדֶת בֵּן וְקָרְאוּ שְמוֹ עִמָנוּ אֵ-ל אֲשֶר פֵרוּשוֹ הָאֵ-ל עִמָּנוּ [ראה ישעיה 7:14; אל, אלוהים, וכיוב, בִּטּוּי של לשון נְקִיּה, למען צִיטּוּט, בִּגְלַל לֹא תִשָׂא אֶת שֵם ה' אֱלֹקֶיךָ לַשָוְא] : 24 וַיִיקַץ יוֹסֵף [בן דוד] מִשְנָתוֹ וַיַעַשׂ כַּאֲשֶר צִוָּהוּ מַלְאַךְ ה' וַיִּקַּח אֵלָיו אֶת־אִשְתּוֹ: 25 וְלֹא יְדָעָהּ עַד כִּי־יָלְדָה בֵּן אֶת־בְּכוֹרָהּ וַיִקְרָא אֶת־שְמוֹ יְהוֹשֻעַ/יֵשוּעַ [בן יוֹסֵף בן דוד: האומר זה בני נאמן, בבא בתרא ח: ו] :