מתתיהו2

ב וַיְהִי כַּאֲשֶר נוֹלַד יְהוֹשֻעַ/יֵשוּעַ בְּבֵית־לֶחֶם יְהוּדָה בִּימֵי הוֹרְדוֹס הַמֶלֶךְ וַיָּבֹאוּ מְגוּשִים מֵאֶרֶץ מִזְרָח יְרושָלָיִם: 2 וַיּאמְרוּ אַיֵּה מֶלֶךְ הַיְהודִים אֲשֶר יֻלַד כִּי רָאִינוּ אֶת־כּוֹכָבוֹ בַּמִזְרָח וַנָּבֹא לְהִשְתַחֲוֹת לוֹ: 3 וַיְהִי כִּשְמֹעַ הוֹרְדוֹס הַמֶלֶךְ אֶת־דִבְרֵיהֶם וַיִּבָּהֵל הוּא וְכָל־יְרושָלַיִם עִמוֹ: 4 וַיַקְהֵל אֶת־כָל־רָאשֵי הַכֹהֲנִים וְסוֹפְרֵי הָעָם וַיִשְאַל אֹתָם לֵאמֹר אֵיפֹה יִוָּלֵד הַמָשִׁיחַ [רבּי מֶלֶךְ הַמָשִׁיחַ]: 5 וַיּאמְרוּ לוֹ בְבֵית־לֶחֶם יְהודָה כִּי־כֵן כָּתוּב בְּיַד הַנָבִיא: 6 וְאַתָה בֵית־לֶחֶם אֶרֶץ יְהודָה אֵינְךָ צָעִיר בְּאַלֻפֵי יְהודָה כִּי מִמְךָ יֵצֵא מוֹשֵל אֲשֶר יִרְעֶה אֶת־עַמִי יִשְרָאֵל: 7 אָז קָרָא הוֹרְדוֹס לַמְגוּשִים בַסֵתֶר וַיַחְקֹר אֹתָם לָדַעַת הָעֵת אֲשֶר נִרְאָה הַכּוֹכָב: 8 וַיִשְלָחֵם בֵּית־לֶחֶם וַיֹאמַר לְכוּ חִקְרוּ הֵיטֵב עַל־דְבַר הַיָּלֶד וְהָיָה כִּי־תִמְצְאוּן אֹתוֹ וְהִגַּדְתֶּם לִי וְאָבֹאָה לְהִשְתַחֲוֹת־לוֹ גַם אָנִי: 9 וַיְהִי כְּשָמְעָם אֶת־דִבְרֵי הַמֶלֶךְ וַיֵלֵכוּ וְהִנֵה הַכּוֹכָב אֲשֶר־רָאוּ בַמִּזְרָח הָלַךְ לִפְנֵיהֶם עַד בֹּאוֹ אֶל-מְקוֹם אֲשֶר שָם הַיָּלֶד וַיַּעֲמֹד מִמַּעַל לוֹ: 10 וַיִּרְאוּ אֶת־הַכּוֹכָב וַיִשְׂמְחוּ שִׂמְחָה גְדוֹלָה עַד־מְאֹד: 11 וַיָּבֹאוּ הַבַּיְתָה וַיִמְצְאוּ אֶת־הַיֶלֶד עִם מִרְיָם אִמּוֹ וַיִּפְלוּ עַל־פְנֵיהֶם וַיִשְתַחֲווּ־לוֹ וַיִפְתְחוּ אֶת־אוֹצְרוֹתָם וַיַקְרִיבוּ לוֹ מִנְחָה זָהָב וּלְבוֹנָה וָמֹר: 12 וַיְצֻוּוּ בַחֲלוֹם לְבִלְתִי שוּב אֶל־הוֹרְדוֹס וַיֵלְכוּ בְּדֶרֶךְ אַחֵר אֶל־אַרְצָם: 13 הֵם הָלְכוּ מִשָם וְהִנֵה מַלְאַךְ ה' נִרְאָה אֶל־יוֹסֵף [בן דוד] בַחֲלוֹם לֵאמֹר קוּם קַח אֶת־הַיֶלֶד וְאֶת־אִמּוֹ וּבְרַח לְךָ מִצְרַיִם וֶהְיֵה־שָם עַד־אֲשֵר אֹמַר אֵלֶיךָ כִּי הוֹרְדוֹס צֹדֶה אֶת־הַיֶּלֶד לְאַבְּדוֹ: 14 וַיָּקָם וַיִּקַּח אֶת־הַיֶּלֶד וְאֶת־אִמּוֹ בַּלָיְלָה וַיִבְרַח לְמִצְרַיִם: 15 וַיְהִי־שָם עַד מוֹת הוֹרְדוֹס לְמַלֹּאת אֶת אֲשֶר דִּבֶּר ה' בְיַד הַנָבִיא לֵאמֹר מִמִצְרַיִם קָרָאתִי לִבְנִי: 16 וַיַרְא הוֹרְדוֹס כִּי הֵתֵלּוּ בוֹ הַמְגּוּשִים וַיִקְצֹף מְאֹד וַיִשְלַח וַיַהֲרֹג אֶת־כָל־הַיְלָדִים אֲשֶר בְבֵית־לֶחֶם ובְכָל־גְבוּלֶיהָ לְמִבֶּן שְנָתַיִם וּלְמָטָּה לְפִי הָעֵת אֲשֶר חָקַר מִפִּי הַמְּגוּשִים: 17 וַיִּמָּלֵא הַדָּבָר הַנֶאֱמָר בְּפִי יִרְמְיָהו הַנָבִיא לֵאמֹר: 18 קוֹל בְרָמָה נִשְמָע נְהִי וּבְכִי תַמְרוּרִים רָחֵל מְבַכָּה עַל־בָנֶיהָ מֵאֲנָה לְהִנָּחֵם כִּי אֵינָם : 19 וַיְהִי אַחֲרֵי מוֹת הוֹרְדוֹס וְהִנֵּה מַלְאַךְ ה' נִרְאָה בַחֲלוֹם אֶל־יוֹסֵף [בן דוד] בְּאֶרֶץ מִצְרָיִם: 20 וַיֹאמֶר אֵלָיו קוּם קַח אֶת־הַיֶּלֶד וְאֶת־אִמּוֹ וְלֵךְ שוּב אֶל־אֶרֶץ יִשְרָאֵל כִּי מֵתוּ הַמְבַקְשִים אֶת־נֶפֶש הַיָלֶד: 21 וַיָּקָם וַיִּקַח אֶת־הַיֶּלֶד וְאֶת־אִמּוֹ וַיָבֹא לְאֶרֶץ יִשְרָאֵל: 22 וּכְשָמְעוֹ כִּי אַרְקְלוֹס מָלַךְ בִּיהודָה תַחַת הוֹרְדוֹס אָבִיו יָרֵא לָלֶכֶת שָמָּה וַיְצֻוֶּה בַחֲלוֹם וַיֵּלֶךְ לוֹ אֶל־אַרְצוֹת הַגָּלִיל: 23 וַיָּבֹא וַיֵשֶב בְּעִיר הַנִקְרֵאת נְצָרֶת לְמַלֹּאת הַדָּבָר הַנֶאֱמָר עַל־פִי הַנְבִיאִים כִּי נֵצֶר [מָשִיח הַנֵצֶר/צֶמַח יהושע/יֵשוּעַ צמח שמוֹ, זכריה 3:8; 12-6:11; ראה עזרא 3:8; ישעיה 11:1; 53:2; ירמיה 23:5; התג' 22:16; יְהוֹשֻׁעַ חִלּוּפִי פון יֵשׁוּעַ, ראה נחמיה 8:17] יִקָּרֵא לוֹ: