Širawt ta tazzarat iktab Bulǝs i Kǝl-Korent 4
1 Corinthians 4 Tawallamat Tamajaq NT

1Daɣ adi, nak d Abbolos a dana-wǝr-itǝwǝggu iduf wǝr nǝmos ar wa n maššaɣalan n Ǝlmǝsix, d almawakkilan-net as imos ǝššǝɣǝl-nasan emel y aytedan igitan ǝn Mǝššina win dasan-ǝhanen ǝtǝnkul. 2Amaran ma itawaran daɣ awedan imosan almawakkil, ar ad imos awedan n alɣadil. 3Nak ǝs man-in, wǝr ǝzlaya daɣ iduf wa daɣ-i tǝgam wala wa daɣ-i ǝgan aytedan wiyyad. Nak ǝs man-in, wǝr ǝgeɣ iduf waliyyan daɣ man-in. 4Wǝr di-tǝha tǝrǝk n ark ǝmazal waliyyan, mišan wǝrgeɣ adi a di-z-ikkǝsan. Ǝmǝli, ǝnta a di-z-išrǝɣan. 5Daɣ adi ad wǝr tǝssǝwǝram awedan waliyyan lahan dat tawaɣlay n Ǝmǝli s ǝnta a zʼassaknin ezal a mallan arat kul wa itawaggan daɣ ǝssir, isǝffǝggu awa ihan iwallan n aytedan. Alwaq wǝdi, awedan kul ad igrǝw ɣur Mǝššina tǝmmal ta dǝr ihor.

6Amaran imǝdrayan-in, ǝdkâlaɣ-awan-du isalan-in nak d Abbolos fǝl ad iqqǝl awen almasal a kawan-z-isassagrin batu ta tǝnnat: «Ad wǝr takǝyam awa ǝnnan Ǝlkǝttaban». Ǝgeɣ adi ǝnta da fǝl a kawan-wǝr-iggǝz awedan waliyyan isifaxaran s awedan iyyan alku wa hadan. 7Kay wa itaggan ibaragan, ma kay-izlayan d iyyan awedan? Ma tǝleɣ, as wǝrgeɣ Mǝššina a dak-k-ikfan? Dad zamas awa tǝleɣ kul ǝtǝwǝkfa a kay-itawagga bannan, ma ǝmosan baragan win tǝtagga?

8Kawanay ǝmǝrǝdda tǝlâm arat kul wa taram, har as tǝgǝrgǝsam! Tǝqqalam fadda imǝnokalan ǝnta nakkanay wǝr tan nǝmos! Nǝsidaran a tan-tǝqqǝlam ǝs tidǝt, fǝl a dǝr-wan nǝdrǝw taɣmar nakkanay da. 9Mišan ǝs tannaɣ sǝr-i nakkanay inǝmmuzal, ig-ana Mǝššina daɣ ǝlǝqqam n aytedan, nola d aytedan issiwar ǝššǝriɣa tamattant, nǝtawagga ares n awnaf y ǝddǝnet ketnet, gǝr za aytedan wala angalosan. 10Nakkanay za nǝqqal s aytedan imeskelan fǝl ǝddǝlil n ǝššǝɣǝl wa nǝtagg y Ǝlmǝsix, kawanay amaran tǝqqalam imalan ǝn tayttay fǝl ǝddǝlil ǝn tassaq-nawan dǝr-ǝs. Nakkanay nǝrkam, kawanay amaran tǝssohem. Nǝtiwakyad, mišan kawanay tǝtiwasaɣmaram.

11Nakkanay wala ɣas ǝmǝrǝdda da ih-âna laz, nǝffûd, nǝzlâm, nǝtatawat, wǝr nǝla id nǝxsar; 12izaɣazzab-ana ǝššǝɣǝl ǝn fassan-nana. Nǝtattar a igan arraxmat y aytedan win dana-tagginen ark awalan, nǝzmâr i win dana-sakninen arkanay. 13Aytedan win ɣaššadnen ismawan-nana, nǝgammay daɣ-san ǝs man mallolnen ad ammazzayan d adi. Har harwa da ǝgân-anaɣ aytedan šilat ǝn ferǝḍan n ǝddǝnet ǝd sǝfraḍ-net.

14Wǝr dawan-in-ǝktebaɣ aratan win fǝl a kawan-ǝzzǝbǝza tǝkarakit, kalar ǝktabaɣ-awan-tan-in fǝl a dawan-aga ǝnnǝsixa, wa zʼaga i bararan-in ǝkne tara. 15Amaran kud tǝlâm maraw gim n ǝlfǝqqi a kawan-sasaɣren tarrayt n Ǝlmǝsix, da wǝr tǝlem ar abba iyyanda, fǝlas ǝzǝl wa dawan-ǝgeɣ isalan ǝn Ɣaysa Ǝlmǝsix, tǝlkamam-as, ǝnta ad ǝqqala šilat n abba-nawan. 16Adi a fǝl ǝdgaza gammaya daɣ-wan a di-tattalalam.

Ǝzzǝna daɣ Ǝlkǝnisat

Ǝdǝrrǝg y ǝzzǝna

Ark aratan wǝr nǝmmǝkkan win ǝtawagginen daɣ Ǝlkǝnisat

17Ǝddǝlil n adi da a fǝl sǝr-wan in-zammazala Timotay ǝn ruray ǝkneɣ tara, issiflasan wǝllen daɣ lǝkkum-net y Ǝmǝli. Ǝssokaɣ-awan-t-in fǝl a kawan-d-assaktu ǝzzǝnǝf ǝn lǝkkum wa ǝgeɣ y Ǝlmǝsix, s ǝnta a sassaɣra daɣ ǝlkǝnisaten kul daɣ adag kul.

18Wiyyad daɣ-wan taggin ibaragan, fǝlas ǝɣilan wǝr kawan-in-z-ǝlǝsaɣ assa. 19Mišan ǝs turagat n Ǝmǝli, a kawan-in-asa daɣ alwaq wǝr nǝggug. Alwaq wǝdi, aytedan win tagginen ibaragan ǝddi, ad ǝnǝyaɣ awa ǝfragan, wǝrgeɣ awa gannin ɣas. 20Fǝlas Taɣmar ta n Mǝššina, imazalan win taggin aytedan ǝs tarna-net a daɣ tǝtawanay wǝrgeɣ awa ǝgannin ǝs mawan-nasan. 21Awak mǝni daɣ aratan win wa tǝssofam? A kawan-in-asa ewâyaɣ ǝlǝkkud, meɣ a kawan-in-asaɣ ǝd tara ǝd man lammodnen?

Ǝlinjil ǝn Ɣaysa Ǝlmǝsix
Le Nouveau Testament en tamajaq tawallammat, écriture latine
1ère édition, 2015
© SIM Niger et Wycliffe Bible Translators Inc, 2015



Bible Hub


1 Corinthians 3
Top of Page
Top of Page